Rusia ka lansuar një valë të re sulmesh mbi nënte rajone te Ukrainës me mbi 600 dronë e raketa. Ndërsa Kievi ka arritur të sulmojë dy rafineri vaji, si pjesë e fushatës së tyre të gjerë kundër industrisë së naftës dhe gazit rus.
Presidenti ukrainas, Volodymyr Zelensky, ka thënë se sulmi ka shënjestruar nëntë rajone prej të cilave rajone si Mykolaiv, Chernihiv, Poltava e Kiev.
“Armiku shënjestroi infrastrukturën tonë, zonat banesore, dhe ndërmarrjet civile”, ka shkruar Zelensky në rrjetin social X.
“Çdo sulm i tillë nuk është nevojë ushtarake por strategji e qëllimshme e Rusisë për të terrorizuar civilët e për të na shkatërruar infrastrukturën”, ka përfunduar lideri ukrainas.
