Qeveria në detyrë e Kosovës në mbledhjen e së martës ka marrë vendim për ndarjen e 100 eurove për të gjithë studentët. Ky vendim vjen disa ditë para zgjedhjeve lokale, të cilat do të mbahen më 12 tetor.
Kryeministri në detyrë, Albin Kurti, ka thënë se studentët e familjet e tyre do ta kenë “më të lehtë përballimin e kostove që ndërlidhen me fillimin e vitit të ri akademik”.
Po ashtu, Kurti theksoi se në këtë mbledhje do të miratohet edhe bursa e mobilitetit për studentë të nivelit bachelor.
“Kjo bursë do të jetë masë e përhershme dhe mbështetje e vazhdueshme për studentët në nevojë dhe shuma e mbështetjes do të varet nga distanca ndërmjet vendbanimit dhe vendit ku ju studioni, pra sa më larg që iu bie ta keni universitetin ku studioni aq më e madhe do të jetë mbështetja për ju”, shtoi ai.
