Kryesuesi i seancës konstituive të Kuvendit, Avni Dehari, ka dhënë një arsye të pazakontë për mosvazhdimin e seancës, ndonëse afati kushtetues për konstituimin e Kuvendit ka kaluar tashmë një javë.

Dehari ka thënë se vazhdimi i seancës pa një “marrëveshje paraprake” politike rrit rrezikun e përplasjeve dhe madje të një konflikti fizik brenda sallës së Kuvendit.

“Ajo që ndodhi para tri ditëve në Kuvendin e Republikës së Kosovës është pikërisht ajo për të cilën kam paralajmëruar. Çdo përpjekje për ta vazhduar seancën pa një marrëveshje politike vetëm sa e tensionon më tej situatën dhe e rrit rrezikun e përplasjeve, madje edhe të konfliktit fizik brenda sallës së Kuvendit”, ka deklaruar Dehari.

Të mërkurën, në Kuvend pati përplasje mes deputetëve të Vetëvendosjes dhe atyre të PDK-së e AAK-së, të cilët kishin shkuar në Kuvend për të kërkuar vazhdimin e seancës konstituive.

Megjithatë, përveç përplasjeve verbale dhe disa shtyrjeve mes deputetëve, nuk pati ndonjë konflikt fizik.

Dehari përmendi ftesën e kryetarit të Lëvizjes Vetëvendosje, Albin Kurti, si dhe ftesën e ushtrueses së detyrës së presidentes, Albulena Haxhiu, drejtuar partive politike për një takim konsultativ.

Partite opozita insistojne te ftohet seanca konstituive, perderisa alarmojne se eshte shkelur afati kushtetues.