Bënte pyetje “përkëdhelëse” në intervistë me kryeministrin në detyrë Albin Kurtin, por duket se kishte një arsye për këtë. Blerim Haxhiaj, gazetar në RTK del se ka përfituar rreth 100 mijë euro nga Qeveria.
Të njëjtat i kishte marrë përmes një OJQ-je me emrin “Cult Club”.
Aty drejtoreshë figuron të jetë gruaja e Haxhiajt, ndërkaq ky themelues.
Më 20 maj të këtij viti, në RTK krejtësisht i relaksuar në intervistë ishte paraqitur kryeministri në detyrë, Albin Kurti.
Jo për tjetër, por për shkakun se përballë kishte një gazetar që nuk e sfidonte me pyetje të rënda e madje shpesh lëshohej në konstatime që arsyetonin mospunën apo skandalet e pushtetit.
