Gjykata Themelore në Prishtinë e ka aprovuar kërkesën për hedhjen poshtë të aktakuzës ndaj Faton Klinakur dhe pushuar procedurën penale ndaj tij për veprën penale “Kanosje” ndaj Kryeministrit në detyrë të Kosovës, Albin Kurti.
Por, proceduar penale, sic raporton Betimi për Drejtësi, do të vazhdojë ndaj të akuzuarit tjetër, Nuredin Selmani.
Klinaku akuzohej se e kishte kanosur Kurtin përmes profilit të tij në rrjetin social “Facebook”, duke postuar shkrime me përmbajtje kërcënuese.
“…Prapë po e përsëris, nëse ju duket skandaloz postimi i mëhershëm: Më parë e vras A.K. sesa t’ia lëshoj rrugën dhe të iki nga Kosova”, kishte shkruar Klinaku në gusht 2023.
Seanca fillestare për këtë rast ishte mbajtur më 3 shtator 2025. Aty, Klinaku dhe Selmani ishin deklaruar të pafajshëm.
